Tirana e pret një periudhë mjaft e vështirë në Superiore, me pesë ndeshje radhazi që mund të ndikojnë ndjeshëm në ecurinë e skuadrës kryeqytetase. Bardheblutë do të përballen me Laçin, Vllazninë, Dinamon, Egnatian dhe Teutën, në një kalendar të ngjeshur që kërkon përqendrim maksimal dhe rezultate pozitive.
Tri pikët do të kenë rëndësi të veçantë për skuadrën, e cila do të synojë të mos humbasë terren në garën e kampionatit. Ndeshjet – Seria e takimeve nis më 17 tetor, kur Tirana do të presë Laçin në orën 13:30. Kjo do të jetë mundësia e parë për bardheblutë që ta nisin me këmbën e mbarë këtë cikël të vështirë ndeshjesh. Përballja me kurbinasit pritet të kërkojë kujdes dhe impenjim, pasi çdo pikë merr rëndësi në një kampionat ku rivaliteti është i fortë. Vetëm një javë më vonë, më 24 tetor, kryeqytetasit do të kenë një transfertë të vështirë ndaj Vllaznisë, në orën 18:30.
Përballjet me shkodranët kanë gjithmonë një peshë të veçantë, ndërsa luajtja jashtë fushe e vështirëson edhe më shumë misionin e Tiranës. Bardheblutë do të duhet të tregojnë organizim dhe vendosmëri për të synuar një rezultat pozitiv. Kalendari nuk u jep shumë kohë për pushim, pasi më 28 tetor, në orën 17:00, Tirana do të përballet me Dinamon. Një duel që pritet të ketë rivalitet të fortë, duke pasur parasysh historinë dhe rivalitetin mes dy skuadrave kryeqytetase.
Kjo ndeshje mund të jetë një tjetër provë e rëndësishme për skuadrën, e cila do të duhet të menaxhojë mirë forcat dhe të ruajë përqendrimin gjatë gjithë takimit. Vështirësitë do të vijojnë edhe në fillim të nëntorit. Më 1 nëntor, Tirana do të presë Egnatian në orën 13:30, përpara se më 7 nëntor, në orën 17:00, të luajë sërish në shtëpi ndaj Teutës. Dy ndeshjet radhazi në fushën e vet përbëjnë një mundësi për të siguruar pikë të rëndësishme, por kundërshtarët kërkojnë vlerësim maksimal dhe nuk lënë vend për nënvlerësim.
Në total, pesë ndeshjet e ardhshme përbëjnë një kalendar ferri për bardheblutë. Përballjet me Laçin, Vllazninë, Dinamon, Egnatian dhe Teutën do të kërkojnë vazhdimësi, përgatitje të kujdesshme dhe përqendrim maksimal. Tirana do të synojë të marrë sa më shumë pikë nga kjo seri, për të forcuar pozitat në renditje dhe për të konfirmuar ambiciet e saj në Superiore. Rezultatet e këtyre javëve mund të jenë përcaktuese për mënyrën se si skuadra do të vijojë sezonin.
and then