Juve “bie” keq në “Stadium”. Lazio-n i dhuron një leksion të pastër futbolli, me ekipin e Gattuso-s që triumfoi pastër 0-3 brenda në Torino. Spalletti përjeton makthe, me teknikun e “Zonjës së Vjetër” që sheh t’i lëkundet ndjeshëm stoli pas kësaj disfate në një kohë kur e shohin veten në vendin e tetë, poshtë Frosinone-s. Lazio gjeti golin e parë në minutën e 37-të, ndërsa në fraksionin e dytë, Isaksen dhe Dele-Bashiru realizuan edhe dy herë të tjera duke hedhur në “tapet” “Zonjën e Vjetër”. Falë këtij suksesi, Gattuso dhe Lazio e tij e shohin veten në vendin e dytë me 19 pikë, po aq sa edhe Inter.
E ka të vështirë të gjejë fjalët e duhura Spalletti pas një humbje të tillë: “E vetmja gjë e sigurt është fakti se rivali ishte më lart se ne. Nuk kishim një plan lojë, një ide të qartë. E kam të vështirë të shpjegoj se çfarë ndodhi”, u shpreh Spalletti pas humbjes 0-3 përballë Lazios.
Sipas mediave italiane tani Spalletti rrezikon shkarkimin, ndërsa Antonio Conte është i përzgjedhur nga tifozët dhe i gjithë ambientin, në kor të gjithë kërkojnë rikthimin e tij në shtëpi.
Një fitore jetike, shumë të rëndësishme, siguroi edhe Milan, me “djallin” që triumfoi 3-2 përballë Atalanta-s në “San Siro”. Ekipi i Amorim ishte i papërmbajtshëm gjatë fraksionit të parë duke shënuar dy gola, me Ramos nga pika e bardhë e penalltisë dhe më pas dyfishuan shifrat me Rabiot.
Në pjesën e dytë, Ramos shpërdoroi një penallti, por gjatë zhvillimeve të aksionit, nga goditja e këndit, Gila me kokë dërgoi topin në rrjetë. Në mënyrë të papritur, Milan filloi të lëshonte terren, me Atalantën që përfitoi duke shënuar dy gola me Gaetano-n dhe Krstovic.
Tifozët në “San Siro” përjetuan makthe në 10 minutat e fundit ku u desh edhe një super Mike Magnan për të shpëtuar këtë 3 pikësh që e mban Milan në vendin e 4-ët në kuotën e 15 pikëve, 4 më pak se Interi kryesues.
and then