Vijon sfilata e “veshjeve të bukura” të Rita Orës në Paris/ Këngëtarja mahnit me paraqitjen e saj

Udhëtimi i fundit i Rita Orës në kryeqytetin francez që është i mbushur me asgjë më shumë se me stil dhe elegancë.

Sigurisht në këtë udhëtim në qytetin e dashurisë artistja nuk ndodhet vetëm por me të fejuarin e saj Taika Waititi. Prej andej ajo ka ndarë foto të shumta në rrjetet sociale për t’i mbajtur fansat të update-uar dhe të gjithë u fiksuan me veshjet e Ritës. Një nga veshjet e saj ka qenë edhe një kostum dypjesësh, ngjyrë limoni.

Veshjen ylli i muzikës e kompletoi me një çantë Hermes 20 mijë paund, e cila bënte kontrast me shapkat me gisht që Rita kishte zgjedhur të vishte. Aksesorët e floririt nuk munguan as në këtë paraqitje të Orës.

Autorja e hitit “Let Me Love You” përsa i përket grimit u shfaq natyrale si gjithmonë,me lokët kacurele që i binin mbi supe.

Një tjetër veshje që Rita zgjodhi për në ‘qytetin e dritave’ më herët ishte ky seti me printe blu i përbërë nga fundi, një crop-top dhe një këmishë. Duke veshur shapka me platformë, Rita tha me shaka se ajo ende mund të përfitonte shumë nga pamjet për tu dukur bukur, pavarësisht se sa ‘të pista’ ishin shapkat e saj.

E çara në njërën këmbë i shtoi sensualitetin kësaj veshje të cilën ajo e kombinoi me shumë bizhuteri.