A mund të shfaqesh me robdishan në publik? J.Lo thotë patjetër që ‘Po’

Jennifer Lopez e mbajti të fshehtë look-un e saj teksa po dilte për koncertin e saj të shumëpritur të UNICEF të shtunën… duke veshur një robdishan.

Superylli 53-vjeçar kishte veshur një robdishan të bardhë mbi veshjen e saj, gati për t’u ngjitur në skenë me grim dhe flokët e stiluar, ndërsa ajo dhe shoqëruesit e saj shkonin drejt një makine. Fituesja e ‘Grammy’ ishte në ishullin italian të Capri për koncertin ekskluziv për bamirësi të fokusuar në Ukrainë. Ajo është kryesuesja e shfaqjes, e cila ishte planifikuar të përfshinte performanca nga DJ Diplo, Sofia Carson dhe DJ Cruz.

‘Variety’ raportoi se të ftuarit në ngjarjen e mbushur me yje pritej të përfshinin Leonardo DiCaprio, Naomi Campbell, Jared Leto, Vanessa Hudgens dhe nëna e Elon Musk, modelja Maye Musk. Festa u vendos të mbahej në një manastir të shekullit të 14-të të quajtur ‘Certosa di San Giacomo’, që ka një bar dhe pamje mahnitëse të Detit Mesdhe.

Ylli i ‘Marry Me’ dha një pamje paraprake të asaj që do sillte në skenë gjatë provave të premten. Këngëtarja e ‘Let’s Get Loud’ u shfaq me një jumpsuit me printe, me pupla në pantallona dhe me shkëlqim në bel. Jumpsuit-i kishte prerje në bust, të dizajnuara për të nxjerrë në pah barkun e saj të tonifikuar.

Jennifer i stiloi flokët me një topuz për prova, por i la ato me onde për natën e madhe. Pas shfaqjes të ftuarit morën pjesë në një darkë luksoze dhe një ankand bamirësie. Kjo ishte performanca e parë e artistes së ‘Amor, Amor’, që kur u martua me bashkëshortin Ben Affleck më 16 korrik.