Kompania ‘Apple’ sapo prezantoi katër modele në linjën e saj më tëfundit të iPhone 14. Ashtu si me vitet e mëparshme, gjenerata e re e iPhone-ve u përball me disa kritika për mungesë inovacioni. Megjithatë, këtë vit, pro e këtij mendimi për iPhone 14, ka qenë Eve Jobs, vajza e bashkëthemeluesit dhe CEO të Apple, i ndjeri Steve Jobs.
24 vjeçarja, hodhi një vështrim në iPhone 14 të ri, duke nënkuptuar se Apple në thelb po ripunonte modelet e mëparshme me çdo gjeneratë të re të iPhone.
Ajo postoi në InstaStory një meme që tregon një burrë duke mbajtur një këmishë që është identike me atë që ai ka veshur. “Unë duke përmirësuar iPhone 13 në iPhone 14 pas njoftimit të Apple sot,” lexohej në mbishkrim.
Steve Jobs konsiderohet gjerësisht si një vizionar që bashkëthemeloi ‘Apple’ në garazhin e prindërve të tij në vitin 1976. Në kohën e vdekjes së tij në vitin 2011, Apple ishte rritur në një nga kompanitë e teknologjisë më të vlefshme në botë. Atij i njihet merita për transformimin e industrisë së telefonave dhe kompjuterëve personalë, dhe shumë fansa të Apple sot janë të mendimit se inovacioni në kompani u ndal pas vdekjes së tij.
Smartfoni më i ri i kompanisë, iPhone 14 , kushton 799 dollarë për modelin bazë — i njëjti çmim si versioni aktual, ndërsa një iPhone 14 Pro Max premium do të kushtojë 1,100 dollarë.
Çmimi i iPhone 14 në Indi është vendosur në 79,900 Rs për variantin bazë 128 GB. Për iPhone 14 Plus, klientët do të duhet të paguajnë 89,900 Rs për variantin 128 GB.
iPhone 14 Pro do të kushtojë 1,29,900 Rs për Indinë, ndërsa iPhone 14 Pro Max do të fillojë nga 1,39,900 Rs (çmimet e listuara janë për variantin bazë 128 GB).
and then