Mbreti Charles III pritet t’i drejtohet kombit për herë të parë si sovran në orën lokale 18:00. Ai mori fronin pas vdekjes së nënës së tij, Mbretëreshës Elizabeth II.
Monarkia më jetëgjatë e Britanisë vdiq të enjten, e rrethuar nga familja e saj, në Balmoral të Skocisë.
Mbreti përshëndeti turmat jashtë Buckingham Palace kur u kthye në Londër me bashkëshorten, Camilla.
Përpara se të hynte në pallat, mbreti Charles doli nga makina e tij dhe shtrëngoi duart me njerëzit, disa prej të cilëve bërtisnin “Zot ruaje Mbretin”.
Në Westminster, deputetët u mblodhën për t’i bërë homazhe Mbretëreshës, kryeministrja e re Liz Truss e përshkroi atë si “një nga udhëheqëset më të mëdha që bota ka njohur ndonjëherë”.
Ish-kryeministri Boris Johnson, i cili takoi Mbretëreshën në Balmoral të martën për të dhënë dorëheqjen, e përshkroi Mbretëreshën si “Elizabeta e Madhe”, duke shtuar se ajo “kishte punuar shumë për të mirën e vendit të saj, jo vetëm tani, por për brezat që do të vijnë”.
Në orën lokale, 18:00 do të ketë një shërbim përkujtimor në Shën Paul, ku do të marrin pjesë kryeministrat dhe ministra të tjerë të lartë.
Ai do të jetë i hapur për publikun.
Charles do të shpallet zyrtarisht Mbret në Këshillin e Aderimit në orën lokale 10:00 të shtunën në një ceremoni të transmetuar për herë të parë në televizion.
and then