Tashmë është zyrtare, Dajan Shehi është futbollisti më i ri i ri i Vllaznisë. Mbrojtësi 25-vjeçar nga Elbasani, u prezantua ditën e sotme nga legjenda shkodrane Vioresin Sinani. Shehi rikthehet kështu te Vllaznia, duke firmosur kontratë 1+1.
Mbrojtësi ishte pjesë e kuqebluve gjatë viteve 2019-2020 si dhe 2021, duke bërë paraqitje dinjitoze me skuadrën shkodrane. Teksa sezoni që sapo u mbyll elbasanasi luajti te Partizani dhe Skënderbeu.
Me fanellën e Vllaznisë, Shehi ka regjistruar 53 ndeshje ku gjeti edhe 2 herë rrugën e rrjetës, teksa në këtë rikthim, shpreson që të bëjë akoma më mirë në klubin shkodran.
NJOFTIMI I KLUBIT:
Dajan Shehi rikthehet sërish në shtëpi. KF Vllaznia bën të ditur se ka firmosur me futbollistin një kontratë njëvjeçare me të drejtë zgjatje edhe për një vit tjetër. I urojmë atij një përfaqësim sa më dinjitoz të fanellës kuqeblu, për të gëzuar sërish sëbashku ashtu siç bëmë dy sezone më parë.
Mirë se erdhe Dajan Shehi!
Loading…
and then