Kujtimet e këngëtarit të njohur Bono në librin e tij më të ri “Surrender: 40 Songs, One Story,nuk kanë të bëjnë vetëm me kohën dhe udhëtimet e tij por edhe për dashurinë.
“E shkrova librin gjithashtu për t’i shpjeguar familjes sime se çfarë po bëja me jetën e tyre, sepse ishin ata që më lejuan të isha larg” tha këngëtari për Sunday Times Magazine. “Ali më dha mundësinë dhe u kujdes në shtëpi. Kështu që unë nuk po shkruaj një kujtim rock’n’roll, ose kujtime të një aktivisti, nuk po shkruaj vetëm kujtimet e një të huaji, por po përpiqem t’i shkruaj një letër dashurie gruas sime.”
Bono dhe gruaja Ali Hewson u martuan në vitin 1982. Ai e konsideron atë si shoqja e tij më të ngushtë.
Kështu u njohën në fakt dyshja, si shokë të shkollës së fëmijërisë. Bono e quan gruan me të cilën ka katër fëmijë “të pabesueshme”.
“Meqë ra fjala, ajo nuk është thjesht një mister për mua. Ajo është një mister për vajzat e saj, për djemtë e saj”, tha ai. “Dua të them, ne të gjithë po përpiqemi ta njohim atë. Ajo është pafundësisht magjepsëse.”
Por jo gjithçka ka qenë e lehtë, sipas Bonos, çifti ka kaluar disa kohë të vështira.
“Nuk është se dashurisë sonë nuk i mungonte diçka por ne e kapëm njëri-tjetrin përmes atyre pjesëve ku ishte e vështirë të shihej se ku ishim,” tha ai. “Ali e quan ‘punë dashurie’. Do të doja që ajo të mos përdorte fjalën ‘punë’ sepse unë e quaj ‘të vështirë’.”- tha ai.
and then