ZYRTARE/ Firo te Kukësi! Verilindorët ndajnë rrugët me tre futbollistë

Tre largime të menjëhershme në shtëpinë e Kukësit.

Verilindorët kanë shpallur zyrtarisht “divorcin” me Alija Krniç, Artiom Puntus dhe Filip Gligorov.

Këtë lajm e ka bërë me dije vetë klubi i Kukësit me anë të një komunikate në profilin e saj të rrjetit social “Facebook” duke njoftuar mbylljen e bashkëpunimit me lojtarët në fjalë dhe duke i falënderuar për kontributin e dhënë.

KOMUNIKATA ZYRTARE E KLUBIT TË KUKËSIT –

“Njoftim i klubit!

FK Kukësi njofton mbylljen e bashkëpunimit me futbollistët Alija Krnić, Filip Gligorov dhe Artiom Puntus. Pas mbylljes së sezonit, palët kanë arritur marrëveshje për mbylljen e bashkëpunimit.

FK Kukësi falënderon futbollistët për kontributin e dhënë dhe iu uron suksese në karrierën e tyre.”

– Arena e Lajmit