Arrestohet 79-vjeçari në Divjakë, dyshohet se ngacmoi seksualisht dy vajza të mitura

LUSHNJË

Policia e Lushnjës, forcat e komisariatit Divjakë kanë vënë në pranga një të moshuar pasi dyshohet se ka ngacmuar seksualisht dy vajza të mitura.

“Specialistët e Seksionit për Hetimin e Krimeve të Komisariatit të Policisë Divjakë arrestuan shtetasin S. T., 79 vjeç, banues në Divjakë, pasi dyshohet se ka ngacmuar seksualisht dy shtetase të mitura”, njoftoi zyrtarisht policia.

Mësohet se kanë qenë prindërit e vajzave që kanë denoncuar në polici të moshuarin pas veprimeve të tij.