ZYRTARE/ Bylisi përforcon sulmin, transferon shqiptarin që aktivizohej prej vitesh në Itali (VIDEO)

Bylisi ka zyrtarizuar dhe afrimin e dytë në këtë sesion të mekatos.

Klubi ballshiot ka transferuar Luis Kaçorrin, i cili vjen pas eksperiencave të shumta në Itali.

Këtë lajm e ka bërë vetë zyrtare Bylis me anë të një komunikate në sajtin e saj zyrtar të rrjetit social “Facebook” duke i uruar mirëseardhjen sulmuesit 24-vjeçar shqiptar.

Kaçorri e mbylli aventurën e tij në Itali me Arzakenën në Serinë D italiane, teksa më parë ka mbajtur veshur edhe fanellat e Karpit, Igea, Fermanas, Çitanovezes, Korrexhes, Savioas, Ligornas dhe Fiorencuolës.

SKEDA E LOJTARIT –

KOMUNIKATA ZYRTARE E KLUBIT TË BYLISIT –

“Mirë se vjen Luis Kaçorri!

I rritur në futbollin italian, shtatlarti i sulmit, Luis Kaçorri, ka pranuar ofertën e klubit tonë për të vijuar karrierën e tij! I urojmë suksese me ngjyrat bardhekuqe në tre vitet e ardhshme!

Luis Kacorri, 24 shkurt 1998; 1.94 metër!

#forcabylis #njeklubshumezemra”

– Arena e Lajmit