Tirana është në hall. Tre lojtarë janë parë me gju të fashuar para sfidës me Dudelanzhin. Taulant Seferi, Filip Najdovski dhe Marsel Ismajlgeci kishin lidhur çuditërisht gjurin e majtë.
Të tre kanë probleme dhe nga ana e stafit mjekësor është bërë një ndërhyrje e tillë që lojtarët të mos kenë probleme dhe të jenë në sfidën e së martës që luhet në orën 20:00 në “Air Albania”.
Seferi ka pësuar një të çarë të dukshme në pjesën e sipërme të këmbës.
Një shqetësim jo i vogël për bomberin e bardhebluve, i cili duhet të jetë në formën më të mirë në sfidën e kthimit, ku kampionët e Shqipërisë do të tentojnë të përmbysin rezultatin.
STËRVITJA – Të tre lojtarët janë stërvitur me grupin. Nga ana tjetër trajneri Orges Shehi ka grumbulluar ekipin prej disa ditësh. Pasdite skuadra ka punuar në “Skënder Halili”.
I pranishëm ishte edhe presidenti Refik Halili, i cili i ka qëndruar shumë pranë skuadrës. Skuadra ka punuar e qetë, ndërsa është ruajtur prej vëzhgimit të syrit të huaj.
FORMACIONI – Më në fund Orges Shehi ka vendosur edhe për lojtarët që do të luajnë nga minuta e parë. Ardit Hila fiton balotazhin me Qefalijan e Kukën dhe do të luajë nga minuta e parë.
Pjesa tjetër e skuadrës është e njëjtë si në sfidën e parë me Dudelanzhin.
Nga ana tjetër, Shehi ka punuar me goditjet standarde, si dhe ka përgatitur një plan B, i cili konsiston me De Silvën në stol, Seferin sulmues qendre së bashku me Xhixhën, Hasanin djathtas, ndërsa Qefalija mesfushor.
Ky është rasti i zëvendësimeve, me Shehin që nuk i shpëton asgjë.
Arena e Lajmit
Loading…
Loading…
and then