Policia e Gjirokastrës ka finalizuar operacioni “ROAD GUARD 17”, ndërsa janë vënë në pranga 2 shtetas, Xh. S., 21 vjeç dhe B. A., 31 vjeç, banues në Durrës, të cilët transportonin drejt kufirit 11 emigrantë të paligjshëm.
“Gjatë operacionit, shërbimet e Policisë Rrugore kapën në flagrancë, në aksin rrugor Gjirokastër-Kakavije, shtetasit Xh. S. dhe B. A., duke transportuar me një automjet tip furgon, 11 emigrantë të paligjshëm nga vendet MENA, kundrejt fitimit”, njofton policia.
Në cilësinë e provës materiale u sekuestruan automjeti, tre aparate celulare dhe 50 euro.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufijve”.
and then