Albana Vokshi në konferencën e zhvilluar në Komisionin Qendror të numërimit u shpreh se Kuvendi i 30 prillit tregoi se tashmë nuk ka më kryetarokraci dhe se tani çdo vendim e merr anëtarësia.
“Nuk ka më kryetarokraci por çdo vendim e merr anëtarësia”, tha Vokshi, ndërsa shtoi: “50 për qind e anëtarësisë të ardhur nga organizatat partnere nga Forumi Rinor dhe lidhja Demokratike e Gruas. 75 anëtarë të Këshillit Kombëtar vjen nga FRD dhe LDSH, hera parë në historinë e një partie politike. PD është më e fortë e më e bashkuar, por edhe më e hapur për të rinjtë dhe zonjat”.
Gjithashtu Vokshi tha se PD-ja ka sjellë risi si në procesin e votimit ashtu edhe në atë të numërimit që është bërë në prani të kamerave dhe e gjitha e transmetuar LIVE.
