Të famshmit që reaguan pas vendimit që mori gjykata për Johnny Depp dhe Amber Hard

Pas verdiktit në lidhje me gjyqin e Amber Heard dhe Johnny Depp teksa ky i fundit doli fitues erdhën dhe reagimet e të famshmëve.

Pasi juria zbuloi të mërkurën se Amber Heard kishte shpifur ndaj Johnny Depp pas 13 orësh diskutimi , yjet dolën në mediat sociale për të dhënë opinionet e tyre për përfundimin e një çështjeje shumë delikate.

Ylli i “Pretty Little Liars” Ashley Benson festoi verdiktin duke postuar një foto të Depp, në Instagram dhe thjesht duke vendosur mbishkrimin “YESSSSS 🖤🖤🖤🖤🖤🖤”.

Sharon Osbourne u shfaq e ‘tronditur’ nga vendimi, duke theksuar në emisionin TalkTV të Piers Morgan, “Uau, nuk ishte ajo që prisja. Domethënë, doja që Johnny të fitonte, por nuk e prisja që ai të fitonte.”

Depp lëshoi ​​​​një deklaratë të gjatë si reagim ndaj vendimit që thoshte pjesërisht se juria “i ktheu jetën” dhe se “e vërteta nuk humbet kurrë”.

Muzikanti Ryan Adams, i cili u akuzua nga shumë gra për abuzim fizik dhe emocional në vitin 2019, reagoi ndaj deklaratës së Depp me zemër dhe emoji flakë.

Ylli televiziv, Harry Jowsey, thjesht komentoi, ” ❤️❤️❤️.”

Ndërkohë, Heard, 36-vjeç, i tha Page Six  se ajo është “zemërthyer” për vendimin dhe se “e kthen prapa idenë se dhuna ndaj grave duhet marrë seriozisht”.

Depp e paditi ish-gruan e tij për 50 milionë dollarë për  një shkrim të Washington Post të vitit 2018, në të cilin ajo e quajti veten viktimë e dhunës seksuale. Juria i dha atij 15 milionë dollarë dëmshpërblim.

Edhe pse aktorja e “Aquaman” nuk e përmendi yllin e “Pirates of the Caribbean” në artikullin e saj, ai u shkrua disa vjet pasi ajo e kishte  akuzuar atë për abuzim në një urdhër ndalimi të vitit 2016 .

Heard më pas kundërpaditi Depp për 100 milionë dollarë, sepse ajo argumentoi se pretendimet e saj nuk ishin të rreme. Juria e shpërbleu atë me 2 milionë dollarë, sepse ata gjetën se një nga deklaratat e avokatit të Depp, Adam Waldman, që mbylli pretendimet e saj shpifëse.

‘Bashkëshortja’ e Depp-it në filmin “Dark Shadows”, Eva Green shkroi në Instagram se ajo “nuk kishte dyshim” se ai “do të dilte të fitonte dhe jeta do të ishte më e mirë se kurrë për të dhe familjen e tij.”