Naomi Campbell mbeti e shokuar pasi beson se ajo u kontrollua nga një punonjës i aeroportit në Bullgari vetëm sepse ishte me ngjyrë, sipas raportimit të ‘The Mail on Sunday’.
Supermodelja ndihet se u profilizua në mënyrë racore kur u ndalua muajin e kaluar nga stafi në terminal teksa po udhëtonte për disa xhirime në kryeqytetin Sofje.
Burimet thonë se 52-vjeçarja ishte ‘shumë e mërzitur’ nga ajo që ndodhi më 19 maj pasi mbërriti për udhëtimin tre ditor të punës. Është e paqartë nëse stafi që kërkoi të kontrollonte sendet e saj është i punësuar nga aeroporti apo një kontraktor privat.
Një mik i modeles tha: “Naomi ishte shumë e mërzitur. E gjithë ngjarja pati një ndikim mjaft të tmerrshëm tek ajo. Ajo ishte duke udhëtuar për një xhirim tepër emocionues dhe po e priste me padurim”.
Profilizimi racor historikisht i referohet dyshimit, synimit ose diskriminimit të një personi bazuar në etninë, fenë ose origjinën e tij kombëtare.
Vitet e fundit, ajo është përdorur më në përgjithësi ku bëhen supozime stereotipike për shkak të ngjyrës së lëkurës së një personi.
Në korrik 2020, miku i ngushtë i modeles Campbell, Edward Enninful, redaktor i Vogue, pretendoi se ai ishte i profilizuar në mënyrë racore kur mbërriti në zyrat e revistës së modës.
Në vitin 2008, Naomi u zbrit nga një avion me pranga në duar pas një grindjeje me policinë në aeroportin Heathrow. U pretendua se ajo ishte zemëruar pasi një anëtar i ekuipazhit të kabinës i tha se çanta e saj nuk ishte vendosur në bord sepse ishte shumë e rëndë.
Vitin e kaluar modelja njoftoi se ishte bërë nënë e një vajze. Ajo tha se fëmija, emri i të cilit nuk e ka zbuluar publikisht nuk ka lindur nga një nënë surrogate.