“Isha e sigurt se do të vdisja”/ Kamerieri shqiptar bëhet hero në Maltë, i shpëton jetën 73-vjeçares

Capture

Një kamerier shqiptar në Maltë, ka shpëtuar jetën e një të moshuare, duke u bërë kështu heroi i saj.

73-vjeçarja Patricia Neto, është mbytur ndërkohë që ishte duke ngrënë me miqtë e saj në një restorant në Ghar Lapsi, dhe mund të mos ishte më në jetë nëse nuk do të ishte për ndihmën e kamerierit shqiptar Endri Demaj.

E moshuara ka rrëfyer se para se t’i jepej ndihmë, ajo nuk mund të merrte frymë dhe ishte e sigurt se do të humbiste jetën.

Ajo shpjegoi se miqtë e saj kanë kërkuar ndihmë dhe Endri menjëherë ka reaguar me një sërë manovrash të cilat i kanë shpëtuar edhe jetën.

Neto rrëfeu se gjesti heroik është vlerësuar edhe nga të pranishmit të cilët kanë shpërthyer në lot.

Në një postim në Facebook, vajza e 73-vjeçares, Carole Khosla, falënderoi publikisht kamerierin që i shpëtoi jetën nënës së saj.

Ajo gjithashtu u tregua mirënjohëse pasi i riu shqiptar është kujdesur për nënën e saj edhe pas aksidentit, derisa Neto e mori veten plotësisht.

Arena e Lajmit

“Isha e sigurt se do të vdisja”/ Kamerieri shqiptar bëhet hero në Maltë, i shpëton jetën 73-vjeçares

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×
Na ndiqni

Na ndiq në Facebook