Akademiku Artan Fuga komenton arrestimin e Agim Kajmakut në Itali, i cili u kap me 20 kg kokainë.
Postimi i Fugës:
Një psikanalist e mbron kështu zotin Kajmaku para gjykatës italiane, Qenan K.:
Zoti gjyqtar, i pandehuri është përjashtuar nga politika duke u akuzuar pa prova se ka qenë shkelës i ligjit diku, dikur!
I hoqën mandatin,
e fyen,
e përfolën në media,
e bënë gazin e botës,
kur ka dhjetëra hajdutë
që janë gjigandë në politikë!
Ai është një inoçente që merret me tregti lulesh !
Prandaj pasi e pësoi fatin e keq duke u akuzuar pa prova, inkoshienti e çoi që të kërkonte intutivisht identitetin e tij të plotësuar, pra të vihej konform imazhit që shoqëria, media dhe politika i dha.
Akuzës pa prova në të kaluarën i dha pra provën pa pasur akuzë.
Njëherë akuza pa provën tani prova pa akuzën!
Meqë njëherë u ndëshkua publikisht pa u provuar në gjykatë fajësia e tij, ligji i natyrës që kërkon bashkimin e dy gjysmave kudo që ndodhen, e bëri atë që pasi u akuzua pa provë të jepte më pas provën e akuzës!
Prandaj është i pafajshëm, ose është po aq i fajshëm sa edhe Edipi mbret që fati i paratha se do të zinte vendin e babait!
Fatit nuk i del dot kundër askush!
Zoti Gjyqtar!
Ai plotësoi pritshmëritë që shoqëria kishte ndaj tij! Ja po t’ju thonë juve të gjithë se jeni i çmendur, a nuk do t’i besoni kësaj një ditë, dhe pastaj a nuk do të çmendeni realisht?
Arena e Lajmit
and then