Një tjetër personazh i cili i ka munguar politikës dhe u pa së fundmi në Panairin e Librit ishte dhe ish-kryetari i Partisë Demokratike, Lulzim Basha. Ish-numri një i selisë blu, është fotografuar duke shëtitur vetëm në stendat e shtëpive botuese.
Basha duket se nuk i ka rezistuar librave të fundit dhe ka blerë disa prej tyre. Disi më i relaksuar nga pamja e tij zyrtare, deputeti i Partisë Demokratike është shfaqur në panair me qese në duar.
Me gjasa Basha nuk i ka rezistuar disa nga titujve më të lakuar të ditëve të fundit. Prej gati 9 vitesh, Lulzim Basha ishte kryetari i Partisë Demokratike. Ish-numri një i selisë blu është dorëhequr muaj më parë, vendim ky i diktuar edhe nga grupi i tij parlamentar. Tashmë Basha shkon në Parlament krejt i vetëm dhe rrallë shihet nën shoqërinë e kolegëve dhe ish-vartësve të tij. I vetëm është shfaqur edhe në Panair, duke shijuar kohën teksa shfleton libra, vetëm se këtë herë si një lexues korrekt.
and then