Talenti i Viçenzës, Tomazo Mançini ka fituar vëmendjen e mediave italiane me paraqitjet e tij me skuadrën pavarësisht moshës së re. Klubet e mëdhaja janë vënë në ndjekje të 17-vjeçarit me Milanin dhe Juventusit që janë në krye të radhës për të marrë shërbimet e tij.
Ai konsiderohet si “Ibra i ri” për shkak të shpirtit luftarak që shfaq në zonë si dhe sensit të lindur të shënimit të golave që e karakterizon lojën e tij, gjë që i siguroi edhe grumbullimin në ekipin e parë të Viçenzës.
Juventusi dhe Milani e kanë shfaqur hapur interesin për të, ku ideja e dy klubeve italiane do të ishte që ta siguronin kartonin e tij dhe më pas ta linin të huazuar te Viçenza ku të formohej ende si lojtar.
Zgjedhja e klubit të radhës do të jetë po në dorën e Mançinit, i cili do të vlerësojë ofertat nga dy gjigantët e Serisë A për të dhënë më pas përgjigjen përfundimtare lidhur me aventurën e tij të radhës.
Arena e Lajmit
Loading…
Loading…
and then