Ndeshja e fundjavës së kaluar mes PSG dhe Montpelje është bërë temë diskutimesh në mediat ndërkombëtare për shkak të sjelljes së Kilian Mbape. Ky i fundit, në një moment nervozizmi, goditi me shpatull Mesin, me këtë të fundit që mbeti shumë i çuditur nga reagimi i shokut të skuadrës.
Ngjarja është komentuar edhe nga Uejn Runi, i cili pasi pa pamjet, nuk ngurroi të kritikonte francezin për mënyrën se si ishte sjellë me një nga lojtarët më të mirë në historinë e futbollit botëror.
“Një lojtar i moshës 22 apo 23 i cili me dashje godet me shpatull Mesin… Unë nuk kam parë asnjëherë në jetën time një ego më të madhe”, ishin fjalët e ish-sulmuesit i cili në karrierën e tij e ka pasur shpesh si kundërshtar argjentinasin. “Dikush t’ia kujtojë Mbape se Mesi kishte fituar katër herë “Topin e Artë” kur kishte moshën e tij”, vazhdoi ish-sulmuesi anglez.
Arena e Lajmit