“Tak Fak”/ “Më janë akorduar 252 mln lekë për tokën e shpronësuar e s’i kam marrë”, avokati kërkon të drejtën mbi truallin në Tiranë: Jam pronari dhe askush s’më ka vënë në dijeni

Në emisionin ‘Tak Fak’ në News 24, u trajtua problemi i avokatit Myrteza Miftarit, që ka mbi 800 metra tokë në Tiranë.

Ai një ditë gjen tabela në pronën e tij, e cila ishte marrë për përdorim nga Bashkia Tiranë. Kjo tokë duhej për punët e Bashkisë, por se pronari nuk është kompensuar.

Gazetarja Anxhela Gjiriti bisedoi me avokatin Myrteza Myftarin. Avokati tregoi se për tokën që është shpronësuar, janë dhuruar 252 milionë lekë të vjetra dhe se ai nuk i ka marrë këto para.

“Sipas vendimit të Këshillit të Ministrave, prona duhet të kalojë në pronësi të Bashkisë së Tiranës, që ka kërkuar shpronësimin, brenda 60 ditëve. Pronësinë mbi pasurinë e vërtetoj me certifikatën e blerjes, me origjinën e pronës, me certifikatën e blerësit të parë, blerësit të dytë, unë jam blerësi i tretë. E vërteton gjithë dokumentacioni. Mua më është akorduar një shumë prej 252 milionë lekësh të vjetra. Nuk jam njoftuar për shpronësimin, prandaj lekët nuk i kam marrë. Se kush i ka marrë paratë, e di Bashkia. Edhe në Kadastër rezultoj se unë jam pronar”, tha z.Myftari.

Avokati Myrteza Myftari: Në vendin ku ne ndodhemi, është pronë e imja e blerë në vitin 2000. Që nga ai vit e deri para 4 vitesh e tre muajsh, kjo pronë është shfrytëzuar për biznes, për parkim nga ana ime dhe nga ana e qiramarrësve ose poseduesit ligjor të saj.   Para pak kohësh është nxjerrë një vendim i Këshillit të Ministrave, për shpronësim për interesa publike të kësaj pasurie. Ka gjithsej më shumë se 4 vite. Janë kryer të gjitha procedurat pa më vënë në dijeni si ish-pronar, është bërë kërkesa për shpronësim publik. Sipas vendimit të Këshillit të Ministrave, prona duhet të kalojë në pronësi të Bashkisë së Tiranës, që ka kërkuar shpronësimin, brenda 60 ditëve.

Pronësinë mbi pasurinë e vërtetoj me certifikatën e blerjes, me origjinën e pronës, me certifikatën e blerësit të parë, blerësit të dytë, unë jam blerësi i tretë. E vërteton gjithë dokumentacioni. Mua më është akorduar një shumë prej 252 milionë lekësh të vjetra. Nuk jam njoftuar për shpronësimin, prandaj lekët nuk i kam marrë. Se kush i ka marrë paratë, e di Bashkia. Edhe në Kadastër rezultoj se unë jam pronar. Edhe tabela është vendosur në një pronë timen. Janë anashkaluar të gjitha procedurat ligjore për shpronësimin. Shkresat janë pa numër, pa datë, pa autorësi. Ka munguar vullneti për të komunikuar me mua. I kam bërë kërkesa Bashkisë së Tiranës, i kam vendosur në dijeni të gjitha strukturat e iu kam thënë që të më shpjegojnë se çfarë do bëhet. Zyrat e Bashkisë Tiranë kanë qenë të mbyllura për mua.

()