Ka nisur mbledhja e Komisionit të Ankimimeve dhe Sanksioneve për 4 çështjet e hapura, që i përkojnë 4 ankimimimet e Partisë Demokratike, për rezultatin nga zgjedhjet e 11 majit.
PD ka ankimuar rezultatin për qarqet Tiranë, Durrës, Elbasan dhe Fier.
Gazetari Ergys Gjençaj raporton se kjo mbledhje vjen pas rinumërimit ku pasi të parashtrohen të gjitha gjetjet dhe pretendimet e palëve, pritet të kemi edhe një vendimmarrje.
Pikë e parë në rendin e ditës mësohet se është çështja sa i përket pretendimeve nga demokratët për “tren bullgar” në qarkun e Elbasanit.
Kujtojmë se rinumërimi nuk solli ndryshime në qarqet e tjera, përveç rastit të Fierit, ku kandidatja e PS Maldrita Bardho fitoi mandatin e deputetit me 10 vota më shumë Zegjine Caushi, mandat nga i cili hoqi dorë vetëm pak orë më pas.
KQZ ka certifikuar përfundimisht rezultatet për 8 qarqet e tjera, ndërsa janë shpërndarë edhe mandatet nga kreu i KQZ Ilirjan Celibashi.
and then