“Miku im De Biasi më ka këshilluar që…”/ Trajneri i ri i kombëtares shqiptare tregon ‘ilaçin’ për rezultate të larta: Ëndrra ime dhe e shqiptarëve, Botërori!

Trajneri i ri i kombëtares shqiptare, Rolando Maran në një konferencë për mediat, gjatë prezantimit të tij premtoi se do të bëjë shumë për ekipin shqiptar. Gjatë konferencës, trajneri i ri theksoi se ëndrra e tij siç është edhe e shqiptarëve është të çojë Shqipërinë në botëror.

Ai theksoi se njeh shumë prej futbollistëve shqiptarë, ndërsa shtoi se miku i tij, Gianni De Biasi, ish-trajneri i kuqezinjve, i ka dhënë shumë këshilla.

“Shumë lojtarë i njoh, se shoh futboll. I kam parë ndeshjet e Shqipërisë, i kam riparë disa prej tyre. Kam folur me De Biasi-n, se përveçse është një mik i mirë, është një trajner që e vlerësoj shumë. E di çfarë ka bërë ai. Më ka dhënë disa konsiderata, që do t’i përfaqësojë. Janë kushtet dhe mundësitë për t’ia dalë, nuk do të jetë e lehtë, por ka mundësi. Me ato çfarë ju keni, ne do të bëjmë gjëra më tepër, që në kartë do të jenë më konkurruese. Duhet të arrijmë shumë. Momentalisht është ëndrra ime është të çoj Shqipërinë në botëror, pra jo vetëm ëndrra ime por edhe e juaja. Duhet të jemi një grup i bashkuar. Me një grup të bashkuar dhe me pak fat sigurisht kjo gjë mund të arrihet.”, tha ai.