Tragjedi në aksin Korçë-Ersekë, makina përplas për vdekje një fëmijë

Një aksident me pasojë vdekjen e një fëmije ka ndodhur pasditen e sotme në aksin rrugor Korçë-Ersekë, në afërsi të fshatit Kamenicë.

Burime paraprake bëjnë me dije se një automjet ka përplasur fort një fëmijë, i cili në ato momente ka qenë duke ecur në rrugë. Goditja ka qenë mjaft e rëndë dhe fatale për të miturin, i cili si pasojë e plagëve të marra ka ndërruar jetë menjëherë.

Fëmija ka qenë i shoqëruar nga nëna e tij, e cila ka parë të gjithë skenën e tmerrshme.

Në vendngjarje kanë mbërritur menjëherë forcat e policisë dhe grupi hetimor, të cilët po punojnë për të zbardhur rrethanat e plota të kësaj tragjedie.