Pas restaurimit, Banjat e Bënjës në Përmet po hasin probleme me nivelin e ujit në disa vaska, në një moment kur zona hyn në periudhën e fluksit më të lartë turistik
Shqetësimet janë bërë më të dukshme me afrimin e sezonit veror, kur rënia e prurjeve natyrore ndikon drejtpërdrejt në furnizimin me ujë të vaskave termale.
Raportime të ditëve të fundit flasin për vështirësi në mbajtjen e nivelit të ujit, ndërsa në një prej vaskave më të frekuentuara problemi është më i rëndë. Sipas informacioneve, një tjetër faktor që ka ndikuar në këtë situatë është edhe lartësia e murit rrethues të vaskave, i realizuar pas restaurimit.
Projekti i rikualifikimit është financuar nga Fondi Shqiptar i Zhvillimit dhe është zbatuar nga kompania “Fusha sh.p.k” e biznesmenit Shkëlqim Fusha.
and then