Krimi në Shkodër, identifikohet viktima/ Policia njoftim zyrtar: U gjet i vrarë me armë zjarri në automjet

Policia e Shkodrës ka dhënë detaje për ngjarjen e rëndë të ndodhur në Prekal, ku shtetasi Aleksandër Koçeku është vrarë me armë zjarri.

Policia në një njoftim zyrtar sqaron se ngjarja ka ndodhur rreth orës 19:00, në aksin rrugor Prekal–Kir, është gjetur në automjet, i dyshuar i vrarë me armë zjarri, shtetasi Aleksandër Koçeku.

Menjëherë pas marrjes së njoftimit, shërbimet e Policisë kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/ve.

Ndërkohë, është ngritur një grup i posaçëm hetimor dhe nën drejtimin e Prokurorisë, po punohet intensivisht për fiksimin dhe administrimin e çdo prove që do t’i shërbejë hetimit, me qëllim zbardhjen e plotë të ngjarjes, dokumentimin ligjor të saj, si dhe identifikimin dhe kapjen e autorit/autorëve.