Nga një premtim i madh, Kristjan Asllani është kthyer në një shqetësim të madh për Inter, me mesfushorin kuqezi që ka ngecur në Milano. Edhe këtë verë mungojë ofertat konkrete, ku pista e vetme deri në këtë pikë ka qenë Monza, por në mënyrë të papritur, mediat italiane bëjnë me dije se Al Jazira ka shfaqur interesim për Asllanin. Ekipi nga Emiratet e Bashkuara Arabe kërkon të përforcojë mesfushën dhe Asllani shihet si një opsion konkret dhe i rëndësishëm.
Inter është gati të dëgjojë çdo ofertë për Asllanin në këto ditë të fundit të merkatos. Dëshira e klubit zikaltër është të shesin përfundimisht Asllanin, kartonin e të cilit e vlerësojnë me 10-15 milionë euro. Pengesë në këtë pikë mund të kthehet vetë lojtari, pasi një transferim në Abu-Dhabi do ta largonte nga futbolli i rëndësishëm.
Dëshira e tij është të qëndrojë në Serie A, për këtë arsye palët pritet të marrin edhe pak më shumë kohë. E sigurt është se Asllani dhe Inter janë në garë me kohën pasi të dy palët kërkojnë një sistemim të ri në këto ditë të fundit të merkatos së verës.
and then