Shërbimet e Stacionit të Policisë Fushë Krujë kanë finalizuar me sukses operacionin e koduar “Larushku”, i cili çoi në lokalizimin dhe prangosjen e një shtetasi të shpallur në kërkim për veprimtari kriminale në fushën e lëndëve narkotike.
Operacioni u zhvillua si rezultat i administrimit të shpejtë të informacioneve të siguruara gjatë punës operative mbi vendndodhjen e personit të kërkuar nga drejtësia. Pas verifikimeve në terren, forcat e policisë ndërhynë duke lokalizuar dhe vënë në pranga shtetasin Agim Xhixha, 41 vjeç, banues në Larushk të Sipërm, Fushë Krujë.
41-vjeçari figuronte i shpallur në kërkim mbasi Gjykata e Shkallës së Parë të Juridiksionit të Përgjithshëm Tiranë e ka dënuar përfundimisht me 6 vjet burgim. Ai u deklarua fajtor për kryerjen e veprës penale “Prodhimi dhe shitja e lëndëve narkotike, e kryer në bashkëpunim”.
Pas kryerjes së veprimeve procedurale të arrestimit, materialet i kaluan Prokurorisë për ndjekjen e mëtejshme dhe ekzekutimin e vendimit të dënimit.
and then