Max Verstappen me Red Bull triumfon në Çmimin e Madh të Singaporit në Formula 1, duke regjistruar suksesin e parë në pistën qytetase të Marina Bay dhe fitoren e dytë radhazi këtë sezon, pas asaj në Sepang.
Piloti holandez, katër herë kampion bote, kurorëzon një fundjavë perfekte, pasi kishte fituar edhe garën sprint. Verstappen dominoi nga fillimi deri në fund, pa u rrezikuar nga rivalët. Në vendin e dytë u rendit Charles Leclerc me Ferrari, ndërsa podiumin e plotësoi kryesuesi i kampionatit, Kimi Antonelli me Mercedes.
Piloti italian hedh një tjetër hap drejt titullit të parë botëror, duke e çuar në 102 pikë avantazhin ndaj ndjekësve, duke patur të parin Match Point për të siguruar matematikisht titullin kampion, që në garën e radhës. Dy pilotët e McLaren, Lando Norris dhe Oscar Piastri, u renditën përkatësisht në vendet e katërt dhe të pestë, duke lënë pas Lewis Hamilton me Ferrari. Britaniku u penalizua nga strategjia e gomave, duke humbur tri pozicione në xhirot e fundit.
Në zonën e pikëve përfunduan edhe Lawson, Hulkenberg, Russell dhe Hadjar. Gara e Singaporit konfirmoi rikthimin në formë të Red Bull dhe afrimin gjithnjë e më shumë të Antonellit me titullin kampion në Formula 1.
and then