Në ndeshjet e tjera të Europa League ranë në sy sukseset në transfertë për Bayer Leverkusen dhe Benfikën e Lisbonës. “Aspirinat” triumfuan 0-2 në transfertën greke ndaj Ofit të Cretës. Miqtë siguruan 3 pikët falë dopietës së Jonas Hoffman në minutat 35 dhe 38.
Më e thellë fitorja e Benficës. Luzitanët triumfuan me “poker” golash në transfertën qipriote ndaj Omonias. Autogoli i Negos në pjesën e pare si dhe realizimet e Pavlidis, Aursnes dhe Prestiannit, bën që Benfica të merrte fitoren e 3 në po kaq ndeshje.
Fitore e thellë e gjermanëve të Hoffenheim 3-0 ndaj Lyon. Vendasit realizuan tre here falë Kramariç, Daghim dhe Hlozek. Këto ishin pikët e para në fazën e ligës për Hoffenheim dhe humbja e pare për francezët e Lyon.
Barazim dramatik 2-2 në Stamboll atje ku Besiktas dhe Crystal Palace zhvilluan një ndeshje emocionuese. Ndidi kaloi vendasit në avantazh në fundin e pjesës së pare, përpara se sa londinezët të përmbysnin avantazhin brenda 4 minutash me golat e Pino dhe Matetas. Olaitan barazoi shifrat 20 minuta nga fundi për ekipin e Italianos. Ndërsa 4 minuta më vonë Akdag u ndëshkua me karton të kuq, duke bërë që Besiktas ta mbyllte sfidën me inferioritet numerik. Megjithatë asgjë nuk ndryshoi deri në fund, me Besiktas dhe Crystal Palace që ndajnë pikët.
and then