I riu vdiq në spitalin spanjoll dhe erdhi pa zemër në atdhe, familja e Saimir Sulës protestë para Gjykatës së Lartë të Barcelonës: Të zbardhet e vërteta!

Hetim të rastit të zhdukjes së çuditshme të zemrës së Saimir Sulës, shqiptarit që ndërroi jetë në spitalin del Mar në Barcelonë. Kjo ka qenë kërkesa e familjes së të riut, të cilët protestuan përpara Gjykatës së Lartë të Barcelonës për të bërë publike në Spanjë një situatë që në Shqipëri tashmë ka vënë prokurorinë në gjurmët e një komploti të dyshuar për trafik organesh.

Prokurori i Tiranës që po heton çështjen e ka ngritur konfliktin në nivel diplomatik pasi është injoruar prej muajsh nga autoritetet spanjolle. “Në Shqipëri, prokuroria i ka dërguar letërporosi Spanjës dhe Gjykata Hetimore 16 e Barcelonës nuk pranon të marrë në pyetje dëshmitarët e vdekjes në të cilën vdiq vëllai im më 9 maj”, shpjegoi Majlinda Sula, motra e të riut që ndërroi jetë.

“Gjyqtarja nuk pranon të bëjë analizën e ADN-së që tregon nëse kjo zemër është apo jo e vëllait tim. Kemi dy vite që kërkojmë analizën e ADN-së të këtij organi, që teorikisht i përket Saimirit”, tha ajo. Sula i kërkoi Gjykatës së Barcelonës “të vijojë procedurat dhe t’i përgjigjet letërporosisë së shtetit shqiptar”. Letërporosija e fundit është e datës 14 dhjetor. Spanja nuk i është përgjigjur gjashtë letërporosive që i ka dërguar shteti shqiptar”, denoncoi ai.

Sula është shprehur se nisur nga mosveprimi i kanaleve administrative dhe gjyqësore në Spanjë, “prokuroria shqiptare është e detyruar të kërkojë ndërhyrjen e ambasadës spanjolle në Tiranë. Zinxhiri i kujdestarisë së kësaj zemre u prish, askush nuk na tha se e kishin mbajtur zemrën në Barcelonë”, theksoi ai. Nga ana tjetër, ajo siguroi se “pas një viti, duke pasur një ankesë për trafik organesh, këta zotërinj na thonë se zemra është në një institut mjekësor në Barcelonë. Por kjo zemër është e 22 prillit, ndërsa vëllai im ka vdekur më 9 maj dhe se ky organ nuk mund të jetë e tij”.

Arena e Lajmit