Një aksident i rëndë ka ndodhur pasditen e sotme në Divjakë, ku një person ka humbur jetën ndërsa 4 të tjerë janë plagosur.
Sipas policisë, një mjet ka dalë nga rruga e si pasojë shoferi ka ndërruar jetë pas plagëve të marra, ndërsa kanë mbetur të plagosur katër të rinj që udhëtonin me të.
Divjakë / Informacion paraprak
Rreth orës 16:30, në aksin rrugor “Gradishtë-Spolat”, shtetasi L. D., duke drejtuar automjetin tip “Benz” ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë, ka ndërruar jetë drejtuesi i automjetit dhe janë dëmtuar pasagjerët, shtetasit Xh. S., 19 vjeç, R. D., 23 vjeç, F. C., 18 vjeç dhe D. D., 24 vjeç, të cilët ndodhen në spital, nën kujdesin e mjekëve.
Grupi hetimor po punon për zbardhjen e shkaqeve të aksidentit
and then