Dhunoi motrën, arrestohet 47-vjeçari në Gjirokastër, procedohet gruaja e tij

Policia e Gjirokastrës ka arrestuar një 47-vjeçar pasi ka dhunuar motrën e tij. Është proceduar penalisht dhe gruaja e tij.

Specialistët e Seksionit për Hetimin e Krimeve të Komisariatit të Policisë Gjirokastër arrestuan në flagrancë shtetasin A. Sh., 47 vjeç, banues në Gjirokastër, si dhe nisi procedimi në gjendje të lirë për bashkëshorten e tij, shtetasen M. Sh., 44 vjeçe, pasi kanë ushtruar dhunë fizike ndaj motrës së shtetasit A. Sh.

Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.