Mesfushori shqiptar, Anis Mehmeti, ka shkëlqyer sërish me Uajkombin në “League One” në Angli, me një gol fantastik, përballë Derbi Kauntit.
Në minutën e 15’, 21-vjeçari mori një top në krahë dhe mjaft bukur arriti të kalonte dy lojtarë dhe më pas lëshoi një gjuajtje me të djathtën, me portierin që nuk arriti dot ta ndalte.
Gjithsesi ky gol nuk shërbeu që skuadra e tij të dilte me pikë nga kjo transfertë, pasi Derbi arriti të përmbyste çdo gjë në pjesën e dytë.
Ky është goli i pestë për mesfushorin shqiptar në 9 ndeshje në kampionat, duke i dërguar një mesazh trajnerit të Kombëtares, Edi Reja, i cili nuk e ka grumbulluar sërish për dy sfidat e ardhshme në Ligën e Kombeve.
Arena e Lajmit
NDIQE LIVE “PANORAMA TV”
and then