Deputeti i PD-së Flamur Noka dhe analisti Dritan Hila gjatë bisedës në studion e emisionit “Open” në News24 kanë folur në lidhje me hetimin e rastit “McGonigal” dhe lidhjes së kryeministrit Rama me të.
Sipas Nokës McGonigal ka pasur një listë të zezë politikanësh ku ka qenë edhe kreu i PD, Sali Berisha, i cili më pas është goditur me non-gratën, gjë që sipas tij është kryer me lobimin e Ramës duke punësuar ish-agjentin e FBI-së si “killer politik me pagesë”.
Sipas tij McGonigal së bashku me kryeministrin Rama kanë sajuar dosjen e non-gratës së Berishës.
Nga ana tjetër Hila deklaroi se Noka po citonte fjalët e Berishës dhe Këlliçit dhe se për të vendosur mbi non-gratën janë 4 agjenci të cilat punojnë.
Pjesë nga biseda:
Noka: Miranda Devile është gazetare e New York Post, ajo thotë se një duzinë politikanësh u shtua në listën e zezë të McGonigal, mes tyre edhe Sali Berisha që u godit me statusin non-grata. Pra Rama ka puënsuar atë si një killer politik me pagesë ndaj liderit të opozitës dhe një duzine politikanësh.
Hila: Po citon Berishën dhe Këlliçin. Pas kujt fshihet Rama? Janë 4 agjenci që punojnë për non-gratat.
Noka: Është Mike Pompeo që ka thënë se nuk ka parë asnjë rresht në tavolinën e tij për këtë.
Hila: Pse duhet të shikonte, ka njerëz të tjerë.
Noka: Është McGonigal, Rama dhe Soros që kanë sajuar dosjen ndaj Berishës.
Hila: Xhorxhin e keni fiksim ju. McGonigal nuk ka fuqi një person të shpallë non-grata një ish-kryeministër.
Noka: Miku im, lideri i madh global na doli një mafioz i vogël lokal.
Hila: Neza e ka bërë për biznesin e vetë privat, ju merrni gazetaren e New York Post dhe ajo e shkruan që ta citoni pastaj.
Noka: Po të kishte të drejtë Rama do futej si struci në Surrel?
Hila: Strategjia e tij e PR-it është të mos potencojë zërin tuaj, do i dalë. Për mua vajtja juaj atje tregon dëshpërim.
Noka: Do e shohësh dëshpërimin ti. Duke përdorur parlamentin e skllevërve ashtu është
Hila: Edhe Jozefina Topalli ashtu ishte, përdorej kundër opozitës në atë kohë.
and then