Shkel dënimin e dhënë për akuza të rënda, në pranga shqiptari në Itali

Një shtetas shqiptar u arrestua në Itali, duke zbatuar urdhrin e lëshuar nga Gjykata e Mbikëqyrjes së Bolonjës.
Shqiptari ishte dënuar më parë me mbi 9 vjet burg për një dënim kumulativ për tentativë vrasjeje, trafik droge, sulm, kërcënime dhe rezistencë ndaj një zyrtari publik, të kryera në provincën e Ferrarës deri në vitin 2017.

Shqiptari u gjurmua nga karabinierët në një strukturë ku ai ishte pranuar për të përfituar nga dënimi alternativ, por këtu ai dyshohet se ishte përgjegjës për një sërë shkeljesh, të konstatuara nga karabinierët dhe, për këtë arsye, ai u dërgua në burgun e Forlìt, ku do të vuajë pjesën e mbetur të dënimit të tij.