Policia e Tiranës ka vënë në pranga një shtetas shqiptar të shpallur në kërkim ndërkombëtar nga autoritetet italiane, si pjesë e një grupi kriminal që merrej me trafikim lëndësh narkotike.
Arrestimi u krye në kuadër të operacionit policor të koduar “The Wanted”, pas një pune të mirëkoordinuar me Interpol Tiranën dhe Interpol Romën.
I arrestuari është Bledar Bedini, i njohur edhe me emrin Bledar Imami, 54 vjeç, i dënuar nga Gjykata e Milanos me 7 vite burg për veprën penale “Importimi dhe mbajtja e substancave narkotike” në kuadër të një organizate kriminale. Ai u ndalua në bulevardin “Bajram Curri”, në kryeqytet, dhe aktualisht po ndiqet procedura për ekstradimin e tij në Itali.
Njoftimi i policisë:
Tiranë/Vijon operacioni policor i koduar “The Ëanted”, për kapjen e shtetasve të shpallur në kërkim ndërkombëtar.
Kapet në bulevardin “Bajram Curri”, një shtetas i dënuar në Milano, për pjesëmarrje në organizatë kriminale për trafikim të lëndëve narkotike.
Si rezultat i një pune të mirorganizuar operacionale, të kryer në koordinim me homologët italianë, pas shkëmbimit të informacioneve nëpërmjet strukturave të Interpol Tiranës, me Interpol Romën, Seksioni i Kërkimit, gjatë kësaj faze të operacionit “The Ëanted”, kapi dhe arrestoi me qëllim ekstradimin në Itali, shtetasin shqiptar, të shpallur në kërkim ndërkombëtar, Bledar Bedini alias Bledar Imami, 54 vjeç.
Gjykata e Milanos e ka dënuar 54-vjeçarin, me 7 vjet burgim, për veprën penale “Importimi dhe mbajtja e substancave narkotike”, kryer në kuadër të organizatës kriminale.
Interpol Tirana, në bashkëpunim me Interpol Romën, vijon procedurën për ekstradimin e këtij shtetasi, në Itali.
and then