Vijon sot procesi i rinumërimit të votave të 11 majit për Tiranën, KQZ: Deri tani janë hapur 355 kuti. PD 177 vota të pavlefshme, PS 170

Vijon dhe sot procesi i rinumërimit të kutive të votimit për rezultatin e zgjedhjeve të 11 majit për qarkun e Tiranës.

Sipas informacionit zyrtar të KQZ, deri më tani janë rinumëruar rreth 30% e kutive të votimit për qarkun e Tiranës, ku aktualisht janë hapur 355 kuti nga 1282 në total të qarkut.

Me 355 kutitë e hapura deri më tani, PD kryeson me votat që nuk i takonin. PD rezulton se ka 177 vota të pamerituara, ndërsa PS 170, të cilat iu zbriten nga rezultati i numërimit të parë.

Edhe Nisma Shqipëria Bëhet rezulton se deri më tani ka 20 vota të pamerituara, Lëvizja Bashkë 15.

Partia Social Demokrate e Tom Doshit humbet 22 vota që i ishin shtuar më 11 maj.

Ndërkohë partive të vogla iu shtohen disa vota, konkretisht Koalicioni i Lulzim Bashës nga rinumërimi merr 15 vota më shumë, 6 vota më shumë shkojnë për koalicionin e Enkelejd Alibeajt.