VIDEO/ Kryen manovra të rrezikshme në “Bllok” për t’i ikur policisë, dëmtohen 4 automjete. Arrestohet drejtuesi, i gjendet armë zjarri

Pas sinjalizimeve, Policia e kryeqytetit, ka ndjekur një automjet në rrugën “Myslym Shyri”,  që dyshonte se kishte armë brenda.

Ndjekja përfundoi te rruga “Andon Zako Çajupi” në “Bllok”, ku automjeti Audi Q8 ka ndaluar pasi ka goditur 4 automjete, duke shkaktuar dëme të konsiderueshme.

Policia, pasi ka arritur ta ndalojë makinën, një person është kapur dhe është sekuestruar një armë zjarri. E gjithë skena e ndjekjes është parë nga qytetarët dhe ka krijuar panik për shkak se mjeti në ndjekje ka kryer manovra për t’i shpëtuar policisë

Po vijon hetimi për zbardhjen e plotë të veprimtarisë së personit të arrestuar.

()