Kryetari i Partisë Republikane dhe deputeti Fatmir Mediu, gjatë pjesëmarrjes në Asamblenë Parlamentare të OSBE-së në Porto të Portugalisë, ka zhvilluar një sërë takimesh me figura të rëndësishme ndërkombëtare.
Ndër më të rëndësishmit, Mediu u takua me Presidentin e Këshillit të Europës dhe Sekretarin e Përgjithshëm të OSBE-së.
Përmes një postimi në rrjetet sociale, ai bëri të ditur se në këto takime është rënë dakord për vazhdimin e bashkëpunimit me opozitën shqiptare dhe për prezantimin e fakteve lidhur me manipulimin e pretenduar të zgjedhjeve të 11 majit.
“Në Porto Portugali gjatë takimit të Asamblesë Parlamentare të OSBE pata kënaqësinë të takoja Sekretarin e Përgjithshëm të OSBE si dhe Presidentin e Këshillit të Europës Theodoros Roussopoulos.
Në takim ramë dakord për të vazhduar bashkëpunimin me opozitën dhe prezantuar faktet e manipulimit të zgjedhjeve të 11Majit”, shkroi Mediu.
and then