Pamjet që shihni tregojnë sallën e gjyqit ku u qëllua gjyqtari Astrit Kalaja, i cili pasi mori tre plumba, humbi jetën. Kalaja u vra teksa lexonte një vendim gjyqësor, si gjyqtari i Republikës së Shqipërisë.
Në tavolinën ku rrinte Kalaja, është vendosur një buqetë me lule të bardha, në shenjë nderimi dhe homazhe për Kalanë, i cili u vra në krye të detyrës.
Në lidhje me krimin e rëndë janë arrestuar tre persona, autori i krimit Elvis Shkambi, xhaxhai i tij, Gjon Shkambi dhe punonjësi i sigurisë në gjykatë, Banush Koxhaj. Autori i krimit qëlloi me armë edhe ndaj palës kundërshtare në gjyq, babë e bir, Rakip dhe Ervis Kurtaj, duke i plagosur. Kujtojmë se Gjykata e Apelit ka pezulluar të gjitha gjyqet, ndërsa flamuri është ulur në gjysmë shtizë.
BalkanWeb
and then