Ulje e temperaturave/ Përkeqësohet moti në Dibër, breshëri mbulon rrugën pranë tunelit të Murrizit

Kushtet atmosferike janë përkeqësuar këtë të shtunë në Qarkun e Dibrës, ku ulja e ndjeshme e temperaturave ka sjellë reshje breshëri në zonat malore.

Reshjet kanë përfshirë edhe zonën e Xibrit, pranë tunelit të Murrizit, në lartësinë rreth 900 metra mbi nivelin e detit, ku breshëri ka krijuar një shtresë në rrugë.

Situata paraqet rrezik për drejtuesit e automjeteve që lëvizin në Rrugën e Arbrit, në drejtim të Tiranës apo Dibrës. Për këtë arsye, shoferëve u kërkohet të tregojnë kujdes të shtuar, pasi prania e breshërit në asfalt mund të shkaktojë rrëshqitje dhe aksidente.

Ndërkohë, problem vijon të mbetet edhe furnizimi me energji elektrike. Në disa zona të qarkut mungesa e energjisë vazhdon, ndërsa grupet e punës janë në terren për riparimin e defekteve dhe rikthimin e furnizimit për abonentët.



“Arena e Lajmit”

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×