Kreu i Partisë Demokratike, Sali Berisha në një konferencë për mediat nga selia blu e ka quajtur seancën e djeshme në Kuvend ku raportuan institucionet e sistemit të drejtësisë në lidhje me punën e bërë gjatë vitit 2024, si teatër Tragji-komik.
“Teatër tragji-komik ku u pa se si pseudo mazhoranca u angazhua të shkelë ligjet dhe Kushtetutën e vendit vetëm në diktatin e Dumanit, që refuzonte të merrte pyetje me gojë direkt nga deputetët, akt ky i pa shembullt”, tha ai.
Berisha u ndal edhe tek Inceneratorët ku kërcënoi se “flakët e djegësave do të djegin të gjithë ata që kanë dorë në atë aferë”.
“Flakët e djegësave do të djegin çdo njeri që ka dorën e tij të zezë në atë aferë, dhe Ramën, edhe Altin Troplinin dhe të tjerët. 630 mln euro që CEZ duhet t’i paguante shqiptarëve me fatura të certifikuara nga kompanitë ndërkombëtare, Rama në vend të Arbitrazhit ku e kishim fitone e sigurt, ndaj dhe 100 mln euro të taksapaguesve shqiptarë”, tha ai.
Sali Berisha: Dita e djeshme regjistrohet në analet e parlamentit shqiptar si dita e kapitullimit pa kushte të pseudomazhorancës së krimit dhe jo vetëm asaj, por para shqiptarëve dhe mbarë botës, mercenarit të Edi Ramës, Altin Troplini.
Të dashur qytetare dhe qytetarë, ju dje në një teatër tragjikomik patë se si pseudomazhoranca e tërë u angazhua të shkelë ligje, të shkelë Kushtetutën e vendit vetëm nën diktatin e Dumanit, i cili refuzonte të merrte pyetje me gojë direkt nga deputetët.
Akt i pashembullt!
Në të gjitha parlamentet e botës, pyetjet bëhen me shkrim dhe me gojë.
Dorëzohen me shkrim, në mënyrë që zyrtari që pyetet t’i jepet mundësia të përgatisë përgjigjet, lexohen nga autori i pyetjeve dhe ky është një standard.
Deputeti Tritan Shehu ndodhej dje me miqtë në parlamentin e Italisë dhe ai merrte në telefon, këtu kjo është gjëja më absurde.
Por, i keqpërdoruri dhe i keqshfrytëzuari në ekstrem nuk duronte dot pyetjet, i dukeshin si shigjeta.
U bë një kompromis, dhe ai kompromis u bë pas një përpjekje shumë të madhe të opozitës, e cila donte që shqiptarët të mësonin të vërtetat e këtij sistemi të falimentuar.
Kompromisi ishte që zyrtari të lexonte pyetjet dhe pas përgjigjeve të tij, autori i pyetjeve të shprehej 2 minuta për përgjigjet që ai dha. Dhe kjo funksionoi, mendoj unë, shumë mirë.
Funksionoi shumë mirë, ndonëse ju e patë vetë pozitën mjerane në të cilën u ndodhën palët tona kundërshtare.
Ai, siç do thoshte një eksperte e shquar e gjuhës së turpit, fliste si i kapur.
Për të gjithë ata që njohin gjuhën e trupit, kjo ishte e vërteta e tij, sepse ai është i kapur.
Kurse ata, të cilët shkelmuan Kushtetutën vetëm se ai kishte frikë nga pyetjet, nuk duronte dot pyetjet direkte se i dukeshin si shigjeta, e lëshuan në rënie të lirë.
E lëshuan në rënie të lirë sepse kishin frikë nga opozita do ua nxirrnim dosjet në parlament, që i fshihte Troplini.
Nuk kisha parë ndonjëherë në eksperiencën time të gjatë 32-vjeçare një ditë ku përpjekja për të vërtetat triumfoi aq bukur.
Dhe ku kompromisi i krimit midis mercenar-Dumanit dhe pengjeve të tij në narkomazhorancë prodhoi ato skena të papërsëritshme.
and then