Aeroporti Ndërkombëtar i Tiranës (TIA) ka kënaqësinë të njoftojë hapjen e dy destinacioneve të reja ajrore të operuara nga Wizz Air, që lidhin Tiranën me Malagën në Spanjë dhe Londrën Gatwick në Mbretërinë e Bashkuar.
Këto destinacione të reja e forcojnë më tej pozitën e TIA-s si një qendër në zhvillim të shpejtë në rajon, duke u ofruar pasagjerëve një gamë gjithnjë e më të gjerë lidhjesh me qytetet më të njohura të Europës.
Fluturimet nga Tirana drejt Malagës do të operohen dy herë në javë, çdo të hënë dhe të premte, duke i dhënë udhëtarëve mundësinë të eksplorojnë një nga qytetet më të bukura bregdetare të Spanjës, të njohur për kulturën e pasur, gastronominë dhe stilin e jetesës mesdhetare. Malaga është gjithashtu porta hyrëse drejt rajonit të Andaluzisë, një zonë e preferuar si për pushime ashtu edhe për udhëtime biznesi.
Ndërkohë, linja Tiranë–Londër Gatwick do të operohet pesë herë në javë, (dita e martë, e mërkurë, e enjte, e shtunë dhe e diel), duke shtuar fleksibilitetin dhe komoditetin për pasagjerët që udhëtojnë drejt Mbretërisë së Bashkuar. Ky destinacion i ri forcon lidhjet mes Shqipërisë dhe Britanisë së Madhe, duke lehtësuar udhëtimet e komunitetit shqiptar jashtë vendit, si dhe të turistëve që vizitojnë Shqipërinë.
Me shtimin e këtyre destinacioneve, Aeroporti Ndërkombëtar i Tiranës vijon misionin e tij për të ofruar më shumë mundësi udhëtimi, duke e bërë përvojën e fluturimit më të lehtë, më të shpejtë dhe më komode për të gjithë pasagjerët.
Aeroporti Ndërkombëtar i Tiranës shpreh mirënjohjen e tij ndaj Wizz Air për bashkëpunimin e vazhdueshëm dhe falënderon pasagjerët për besimin e tyre, ndërsa aeroporti vijon të zgjerojë rrjetin e destinacioneve në të gjithë Europën.
Si porta ajrore e Shqipërisë drejt botës, TIA mbetet e përkushtuar ndaj rritjes së qëndrueshme, përmirësimit të infrastrukturës dhe ofrimit të një përvoje udhëtimi gjithnjë e më të avancuar për çdo pasagjer.
and then