Guvernatori i Bankës së Shqipërisë, Gent Sejko, deklaroi se ekonomia shqiptare ka nisur një rritje të qëndrueshme në vitin 2025.
Sipas Guvernatorit, pagat janë rritur gjatë gjysmës së parë të vitit dhe ky trend ka vazhduar edhe në gjysmën e dytë. Inflacioni i konsumit ka qëndruar në nivele të ulëta, ndërsa rritja e kërkesës në tregjet vendase ka sjellë të ardhura më të larta dhe ka përmirësuar bilancet familjare.
Një tjetër zhvillim pozitiv është rritja e eksporteve të shërbimeve, e cila ka ndihmuar në kompensimin e rënies së eksporteve të mallrave. Guvernatori theksoi se masat e kontrollit mbi inflacionin e huaj dhe stabiliteti i dy shtyllave kryesore të regjimit, inflacioni dhe kursi i këmbimit – kanë krijuar mundësi për përballimin e goditjeve ekonomike.
Po ashtu, normat e ulëta të interesit në tregun vendas kanë rritur kreditimin dhe kanë nxitur investimet private, duke kontribuar në përforcimin e zhvillimit ekonomik.
Sejko theksoi se perspektivat për ekonominë shqiptare mbeten pozitive, me rritje të qëndrueshme dhe stabilitet financiar gjatë gjithë vitit.
and then