“Jam një përbindësh se bëra një video”/ Fedez përplaset virtualisht me gazetaren italiane: Çfarë ndodhi mes tyre?

Përplasja është ndezur në rrjetet sociale mes reperit Fedez dhe gazetares Selvaggia Lucarelli. Për të ndezur fitilin, mjaftoi një video e shkurtër që reperi postoi në Instagram. Fedez u shfaq me një roje sigurie të koncertit të tij i cili është kthyer në ‘yll’ të rrjeteve sociale për shkak të reagimeve ndaj muzikës që detyrohet të dëgjojë gjatë koncerteve të caktuara. (KLIKO)

“Megjithatë, tani jam e tmerruar nga ky person, çdo person që bëhet viral duhet ta transformojë në përmbajtjen e tij”, -janë fjalët e Lucarellit për të komentuar videon e postuar nga Fedez.

Reperi nuk ia përtoi një përgjigje. “Shumë e lehtë për ta luajtur këtë lojë. Më në fund more vëmendjen që dëshiroje. Një përgjigje e dobët. Sot mund të festosh ditën e madhe. Ke të paktën një muaj me përmbajtje për mua, argëtohu”, shkroi reperi në Instagram para se të shprehej në një sërë videosh. “Dje pashë një person që e njoh prej vitesh dhe që është bërë një meme e gjallë” – tha Fedez duke iu referuar oficerit të sigurisë –”Unë bëra një video prej 10 sekondash me të. Edhe çfarë? Unë jam një përbindësh tani? Edhe po të ishte ajo, do bënte të njëjtën gjë. Ajo bën më keq

Ke vite që më ngacmon mua dhe familjen time. Sot duhet të falënderosh që gruaja ime Chiara Ferragni nuk është këtu për të më qetësuar. Mund të vazhdoj përgjithmonë, Selvaggia. Fatkeqësisht, ti dhe unë nuk jemi aq të ndryshëm, sa mendo, mos mendo se je më e mirë se unë, “-shtoi ai duke iu referuar një sërë situatash.

Fedez publikoi një intervistë të vitit 2016 me gazetaren për videon private të Belen Rodriguez. “Ndoshta harron kur ofendoje një të porsalindur, djalin e Belenit, duke thënë se ishte i shëmtuar. Ose kur thoje se jam i sëmur kur flas për psikologun tim, të ndihmoj veten dhe të përpiqem të ndihmoj të tjerët.  Harron se je paguar për të bërë një podcast për të folur për marrëdhënien tuaj toksike.”

Në fund Fedez e mbylli duke thënë:

“Jam tmerrësisht i zhgënjyer me veten time tani. Pas asaj që më ndodhi”, –duke iu referuar operacionit për kancerin e pankreasit. “I kisha premtuar vetes të shfrytëzoja sa më shumë kohën që më ka dhënë jeta. Ky është një humbje e tmerrshme kohe. Një këshillë: mos humbisni kohë duke ndjekur njerëz të padobishëm. Mos bëni të njëjtat budallallëqe që bëra unë. “