Patrik Gjeta dhe Augen Veizi janë arrestuar nga policia e Shkodrës pasi u kapën duke qarkulluar me automjet, me drogë me vete, e destinuar për shitje.
Blutë bëjnë me dije se u sekuestruan automjeti, doza kanabisi, një armë e ftohtë dhe 2 celularë.
Njoftimi:
Në zbatim të planit të masave për rritjen e parametrave të sigurisë dhe goditjen e paligjshmërive, bazuar edhe në informacionet e siguruara në rrugë operative, shërbimet e Forcës së Posaçme “Shqiponja”, në bashkëpunim me specialistët e Seksionit për Hetimin e Narkotikëve, organizuan dhe finalizuan operacionin policor të koduar “Lakeside”.
Si rezultat i këtij operacioni, u arrestuan në flagrancë shtetasit:
P. Gj., 21 vjeç, dhe A. V., 20 vjeç, të dy banues në Shkodër.
Këta shtetas u kapën në fshatin Shirokë, duke qarkulluar me automjet, në të cilin, gjatë kontrollit u gjet një sasi lënde narkotike kanabis e ndarë në doza dhe një thikë. Nga hetimet dyshohet se këta shtetas shitnin lëndë narkotike në doza, në këtë zonë.
Materialet procedurale iu referuan Prokurorisë, për veprime të mëtejshme.
and then