Nuk kishte atmosferën tipike të një derbi, nuk ishte full, por ky mbetet maksimumi në këtë kohë. Në “Air Albania”, Partizani dhe Tirana zhvilluan një 90-minutësh të bukur, i mbushur me emocione, ku në fund festa ishte e gjitha e kuqe, me “demat” që triumfuan 2-0 ndaj rivalit të përjetshëm duke ndezur shpresat për të siguruar një vend në “Final4”, kjo pasi Dinamo vijon rënien e lirë duke bërë që diferenca me vendin e katërt të jetë vetëm 3 pikë.
Të kuqtë e nisën derin me gol, por VAR i prishi festën. Pavarësisht këtij detaji, Partizani ishte superior, me golin që ishte në ajër, në minutën e 26-të Sidibe zhbllokoi sfidën. Ekipi i Kërnajës përfitoi nga momenti pozitiv dhe në të 37-tën dyfishuar shifrat me një aksion shumë të bukur. Tirana u përpoq të rikthehej në lojë, por pa sukses, me kryeqytetin që mbetet i kuq pasi rezultati nuk ndryshoi deri në fund.
Në 2026, bardheblutë kanë ndryshuar shumë, por nuk arritën të ndryshojnë fatet e derbit, duke qëndruar në vijën e kuqe, në zonën “play-out” në vendin e tetë në kuotën e 21 pikë, një më shumë se Flamurtari dhe Bylis.
and then