Juventus pësoi një goditje të rëndë të martën, teksa u mund thellë 5-2 në aktin e parë të ndeshjeve play off të Champions League ndaj Gallatasaray-t. Një disfatë, e cila rrezikon ndjeshëm shanset e bardhezinjve për të vijuar rrugëtimin evropian. Por jo vetëm kaq, “Zonja e Vjetër” vijon garën me kohë të plotë edhe në Serinë A, teksa objektivi është të përfundojë sezonin mes 4 skuadrave të para.
Pikërisht me këto objektiva lidhet ngushtë edhe e ardhmja e trajnerit Luciano Spalletti në stolin bardhezi. Trajneri ka bindur të gjithë me cilësinë e lojës, por eliminimi i hershëm nga Kupa e Italisë dhe Champions-i i pasigurt e vendosin në fokus. Objektivi i bardhezinjve mbetet katërshja e parë në Serie A, dhe çdo devijim mund të rishikojë projektin ekonomik të klubit.
Në këtë moment, çdo ndeshje ka rëndësi. Të shtunën, Juventus përballet me Como, një sfidë delikate që mund të vendosë shumë për konfirmimin e Spallettit. Pas kësaj, rikthehet sfida e kthimit ndaj Galatasaray, ku bardhezinjtë synojnë një përmbysje spektakolare.
Tabela tregon se vendi i katërt është brenda mundësive, ndërsa konkurrenca vjen nga Roma dhe Napoli. Milan, lider me +8, nuk është më objektiv i menjëhershëm, por çdo hap fals mund të ketë pasoja. Humbja në Stamboll ndaj Galatasaray ka lënë një ndikim të rëndë, dhe tani fokusi kryesor është kampionati.
Në këtë situatë, Spalletti e di se konfirmimi i tij në Torino nuk varet vetëm nga bukuria e lojës, por nga rezultatet. Katërshja e parë është një detyrë, dhe çdo pikë e fituar ose e humbur do të përcaktojë të ardhmen e tij tek Juventusi.
and then